tula
Bulag Ka, Juan
Bumaon sa tao,
Kuko ng pangako,
At ngiti ng pulitiko,
Na plantsado pati kwelyo.
Sa eleksyon lang nakita,
Ang kumag na kongresista,
Pagkat nakatago sa lungga,
Ng kaniyang malamig na kuta.
Tahimik sa buong taon
Maingay sa eleksyon
Parang naghahamon
Wala kasing laman ang garapon.
Ang bulsa ng pagkatao
Ng hayop sa Kongreso,
Ay nakadeposito
Sa bituka ng bangko.
Inumit na salapi
Walang makapagsabi
Kahit na piping saksi
Kalat-kalat kasi.
Bundat ang bulsikot
Sa pangungurakot,
Ang kaban: sinimot.
Sinaid pati ipot.
Tuso si Hudas
Planado ang lahat
Walang mga pekas
Kahit isang bakas.
Ang hahatol ay bulag
Bingi ang katulad
Kaya nakaligtas
Ang lider na huwad.
Kailan ititigil ni Juan
Ang pakikipagbolahan
Sa bingo ng gahaman
At roleta ng kasakiman?
tula ng buhay
Tula ng Buhay
Gawa ni: John B. Juat
Ang buhay ay regalo ng magulang ko
Dahil sila ay nagmahalang totoo
Kay saya nila nung pinanganak ako
Umiyak sa tuwa si lola at lolo
Ako rin ay binigyan ng karapatan
Mag-aral mabuti sa silid-aralan
Maglaro at magkaroon ng kaibigan
Pati tumira sa magandang tahanan
Kahit ano pa man ang sadya ng buhay
Kaya kong harapin ang lahat ng bagay
Dahil sa mga payo na ibinigay
Ng aking mahal na si nanay at tatay
Isa pang importanteng tinuro sa’kin
Ang Diyos ay dapat buong pusong ibigin
At ang kanyang Banal na Utos ay sundin
Upang kapayapaan ay mapa-sa’tin
Ako’y dumaan sa hirap at ginhawa
Minsan ako’y umiyak, minsa’y nagsaya
Lahat ng ito ay bigay ng Diyos Ama
Upang ako’y lumaki na may panata
Kahit laganap ang kasamaan ngayon
Andyaan kahit saan ka man lumingon
Kaya kong harapin ang anumang hamon
Basta’t ako’y malapit sa Panginoon
Ang buhay ay regalo lamang sa atin
Wala tayong karapatan na bawiin
Sa takdang panahon, tayo rin ay kukunin
Kaya ang buhay ay alagaan nati
Gawa ni: John B. Juat
Ang buhay ay regalo ng magulang ko
Dahil sila ay nagmahalang totoo
Kay saya nila nung pinanganak ako
Umiyak sa tuwa si lola at lolo
Ako rin ay binigyan ng karapatan
Mag-aral mabuti sa silid-aralan
Maglaro at magkaroon ng kaibigan
Pati tumira sa magandang tahanan
Kahit ano pa man ang sadya ng buhay
Kaya kong harapin ang lahat ng bagay
Dahil sa mga payo na ibinigay
Ng aking mahal na si nanay at tatay
Isa pang importanteng tinuro sa’kin
Ang Diyos ay dapat buong pusong ibigin
At ang kanyang Banal na Utos ay sundin
Upang kapayapaan ay mapa-sa’tin
Ako’y dumaan sa hirap at ginhawa
Minsan ako’y umiyak, minsa’y nagsaya
Lahat ng ito ay bigay ng Diyos Ama
Upang ako’y lumaki na may panata
Kahit laganap ang kasamaan ngayon
Andyaan kahit saan ka man lumingon
Kaya kong harapin ang anumang hamon
Basta’t ako’y malapit sa Panginoon
Ang buhay ay regalo lamang sa atin
Wala tayong karapatan na bawiin
Sa takdang panahon, tayo rin ay kukunin
Kaya ang buhay ay alagaan nati